Inuiattut ullorsiornitsinni pilersaarutit ilaat

Aaqqissuussinerpassuimmi silami pissapput, silarlussagaluarpallu aaqqissuussinerit illup iluanut nuunneqartariaqassapput.

Kommuneqarfik Sermersuup atuakkami Guiness Rekordbogimi ilanngunneqarnissani neriuutigaa. Tassami kaffillersuarrniarput. Nerrivilersortoqassaaq, taakkunani pituuttat, allunaasat assigisaallu inissiterneqassapput, nerrivittut takitigisut. Nerriviit takissusaat uuttortarneqassapput, taamaalilluni neriuutigineqarluni Guiness Rekordbogimut ilanngunneqarnissaq.

Tasiilami ulloq naallugu aaqqissuisoqarlunilu aliikkusersuisoqassaaq. Kommunalbestyrelsemut ilaasortaq ullaakkut oqalugiassaaq, unnuap-qeqqanullu qummoroortarnersuaqassalluni.

Qaasuitsup Kommuniani ulloq naallugu nuannattoqassaaq qittattoqassallunilu. Puisinik pilattoqarnissaa, qaannamik takutitsisoqarnissaa nipilersortartorpassuillu nipilersornissaat aamma pilersaarutaavoq.