Inuiattut ullorsiornerput sivisuumik piareersarneqartarpoq
Nipilersortut, tivasut, kalaaliminernik iggattut, ilaatigut puisip neqaanik. Inuiattut ullorsiornerput Kalaallit Nunaat tamakkerlugu nalliussineqarpoq. Nuummi aaqqissuussinerit assigiinngitsut 45-t ingerlanneqarput. Radioavisimiit Attartup sissaanut alakkarterivugut, asulu seqinnarissuaq, 17-inik kiappoq, nuiaqanngivillunilu.
Nuup Kommuneanit aaqqissuussisut ilaat, Siverth Lynge, aperaarput piareersarneq qanoq pisarnersoq:
juunip 21-at 2008 17:23
-Taamatut inuiattut ullorsiornissaq innuttaasut tamarmik nuannaarfissaat, ullorsiorfissaannut piareersartuulluni aamma soorunami pikkunalaartarpoq, ataqatigiissaarniagassat amerlaqaat, tassami Nuuk illoqarfissuanngorsimavoq, taamaattumillu aamma aaqqissugassat ataasiinnaanani arlallit ingerlanneqartussaallutik - ukioq mannaannaq aaqqissuussinerit assigiinngitsut 45-t, ullaarnganiit unnuamut ingerlanneqartussaasut tamarmik ataqatigiissaarneqartussaapput, taamaattumik unamminartuuvoq kisianni suliaralugu nuannersuuvoq, Siverth Lynge oqarpoq.
Sivisuumik piareersartarnersut aperaarput:
-Ukioq manna ukiup affaata missaata matuma siorna pisreersarluta aallartippugut, inuiattut ullorsiornermuty komité suleqatigilluinnarlugu.
