Inuiattut silami rock’n roll Nuummi

Inuiattut ullorsiulerutta Nuummi pisussarpassuit ilagaat nipilersortartut assigiinngitsut Nuif-ijup KNR-illu illutaasa silataanni naaffeqanngiusaertumik rock’n rollimik, rap-imik allanillu tusarnaartitsisaqattaarnissaat.
Allattoq Nutaarsiassaqartitsivik / Nyhedsredaktionen
juunip 19-at 2013 11:48

Nipilersoqatigiittartut nutaanerusut inuusunnerusullu aamma pisoqaanerulaartut utoqqaanerusullu tamarmik peqataassamaarput , ilaatigut ”aataavaqqat”, G60, Nuuk Posse,  Juaaka Band, Kalaallit Nipilersuutaat, Dida, Eyes for Another, Tomba & Kaali, Inuk, allallu.

Nipilersornerit nal. 11.00 Nuif-ip silataani aallartissapput , nal. 18.00-ilu naammassissallutik. Tusarnaartitseqattaartussat MIA-mi sungiusartartuupput, tusarnaartitsinissamillu ataqatigiissaarisuuvoq Inunnguaq Petrussen.

Nipilersortussat tulleriinneri

11.00-12.00 Inuk
12.00-12.30 Tomba & Kali
12.30-13.00 Aataavaqqat
13.00-13.30 GU
13.30-14.00 Nuuk Posse
14.00-14.30 Jan Hansen
14.30-15.00 Eyes For Another
15.00-15.45 G-60
15.45-16.15 Unneraarsuk
16.15-17.00 Juaaka Band
17.00-18.00 Dida

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq