Internettimik atuineq akissaqartinngilaat
Aallakaatitassianik KNR Radiomut TV-mullu nassiussineq internetti atorlugu pisarpoq , taamatuttaaq internetti atorlugu aallakaatitseqatigiinnerit radioqarfinnit atorneqarluni.
- Taamatut suleriaatsip artornaqutaa tassaavoq internettimik atuinerup akisuallaarnera, STTK-mi siulittaasoq Karl Davidsen oqarpoq, nangilluilu:
- Ilaasortavut internettimik atuinermut assut akiliisariaqartarput, tamannalu
akissaqartittuaannarneqanngimmat periusitoqqat nutaanngitsut, soorlu radiokæde atorlugu nussuinerit,suli atorneqartariaqartarput, naak pitsaassuseq annaaneqartaraluartoq, Karl Davidsen oqarpoq.
Internettimik atuinerup siunissami pitsaanerulernissaa politikikkut aalajangiisartut eqqarsaatigilluartariaqaraat, STTK-mit kaammattuutigineqarpoq.
- Ilaatigut aalajangersimasumik akiliuteqartalersinnaaneq aqqutissaasinnaasoq oqaatigineqarluni.
