Black Friday Amazonip siuttua nunarsuarmi pisuujunerpaanngortoq
Amazon.com-imik aallarniisoq siuttorlu Jeff Bezos nunarsuarmi pisuujunerpaanngorpoq.
Allattoq Ritzau
novembarip 26-at 2017 14:21
Atuagaarniarfissuarmi isiginnaagassianillu saqqummersitsisarfissuarmi Amazonimi piginneqataassutsit 2 procentinik qaffapput, tamannalu akikilliliinermi Black Fridayimi pivoq.
Aviisi The Independent taama allaaserisaqarpoq.
Jeff Bezosip aningaasaatai 2,4 milliardit dollarinik, tassa 15 milliardit koruunit missaannik, amerleriarput. Jeff Bezos taamaasilluni 100 milliardit dollarit missaannik aningaaserivimmiititaqalerpoq.
AAMMA ATUARUK Kineserit tuniniaanermi rekortiliisut
Atuagassiap inuussutissarsiutinut tunngasunik imaqartartup Forbesip milliardeerinut allattugaatai naapertorlugit, Microsoftimik aallarneeqataasoq Bill Gates 2-tut inissisimavoq.
Taanna 89,4 milliardit dollarinik, koruuninngorlugit 558 milliardinik, aningaaserivimmiititaqarpoq.
