Nuna tamakkerlugu attaveqaat aallartisarneqalerpoq
Immap naqqatigut attaveqaat Nuummiit, Maniitsoq Sisimiullu aqqussaarlugit Aasiannut tallineqassaaq.
- Qarasaasiakkut attaveqaatit sukkanerulissapput oqarasuaatinullu angallattakkanut attaviit aalajaannerulissapput, Stine Bosse oqarpoq.
Iluliarsuit taamatullu immap naqqata pissusaa pillugu immap naqqatigut attavik Ilulissat avannarpasinnerusuanut tallineqarsinnaanngilaq.
Aamma atuaruk Mobili: Tele-Post annilaangasaarivoq
Aamma atuaruk Telemi ammanerulersitsinissaq nalorninartorsiortitsivoq
TELE-POST-imi siulersuisut aalajangerput sakkortusaavinnik annertuunik pisinnaasalinnik Aasianniit Qasigiannguanut Ilullissanullu attaveqartussanik pilersitsisoqassaaq.
Sakkortusaavik Uummannap tungaanut attaveqartoq Upernavimmut tallineqarnissaa TELE-POST-imit pilersaarutigineqarpoq.
- Kalaallit Nunaanni tamarmi ineriartornerup annertusineqarnissaanut aallarnisaataasinnaavoq, siulersuisuini siulittaasoq Stine Bosse oqarpoq.
Taama aalajangertoqarpoq, TELE-POST-imi aqutsisut taamatullu siulersuisut nutaat slliffeqarfiup aningaasaqarnera misissuiffigeqqissaareerlugu aningaasallu inissisimanerat paasineqareersorlu.
Aamma atuaruk Oqarasuaatit angallattakkat attavilupput
Maannalu siulersuisut aalajangersinnaalerput, aningaasaliiffigineqartumik amerlasuunik aningaasaqartaqartumik, siulittaasoq Stine Boss oqarpoq.
- Immap naqqatigut attaveqaat 300 million kr-nik akeqarpoq.
Aningaasat taama amerlatigisut, suliffeqarfimmut TELE-POST-itut ittumut amerlagineqarsinnaapput, naak isertitaqarluartaraluarluta aningaasallu nammineq pigisat ajunngikkaluartuq.
Sulisunik soraarsitsisoqassanersoq Stine Bosse aperineqarami ilaatigut ima oqarpoq.
- Suliffeqarfimmi ukiuni aggersuni allannguisoqassaaq.
- Qularutiginngilara suleqateqarpassut allannguinermi suleqataajumnaartut.
Immap naqqatigut attavik aningaasalersorneqassaaq aningaserivinni erniakititsisuni aallertoqarnikkut, Stine Bosse oqarpoq, taassumalu erseqqissaatigaa, Kalaallit Nunaanni ilinniartitaanikkut peqqinnissaqarfinni minnerunngitsumillu inuussutisarsiutinik ingerlataqartut suliffeqarfinnik namminersortunik pilersitsinermikkut ineriartortitsinermik pilersitsinissaannut iluaqutaassusast, taakkua
Kalaalllit Nunaata aningaasarsiornikkut ineriartortinneqarneranut pingaaruteqartut, Stine Bosse oqarpoq.
Akileraarutitigut isertat amerlanerulernerannik kinguneqartussaavoq:
- Suliffeqarfiit namminersortut akileraarutitigut isertitaat inuiaqatigiit ineriartortinneqarnissaannut tunngaviliisuupput, Stine Bosse oqaropq.
- Tamannarpiarlu Kalaallit Nunaata kitaani ukiuni makkunani pivoq.
Ukiuni makkunani aalisarneq annertusarneqarpoq takornartitsinermillu suliaqarneq ineriartortinneqarpoq,
inussutissarsiutillu taakkua marluk ineriartortitsinermi maannakkut qitiusorujussuupput taamaattumik attaveqaatit naammassineqarnisaat pingaaruteqarpoq, Stine Bosse nassuiaavoq.
Immap naqqatigut attaveqaatip tallineqarnissaanut aporfiusinnaasutuaq tassaavoq Namminersorlutik oqartussanit aningaasaliinissamut pilersaarutip akuerineqarnissaata amigaataanera aningaasalersorneqarnissaatalu naammassineqannginnera.
- Akuerineqassaaq, TELE-POST-imi siulersuisut siulitaasuat neriorsuivoq.
Immap naqqatigut attaveqaat søkabel Aasiaat tunnganut attavilerneqartussaq aamma sakkortusaavik annertuumik pisinnaasalik Ilulissanut attavilerneqartussaq aasap ingerlanerani aamma aappagu ukiakkut ikkussuunneqassapput.
Sakkortusaavik Uummannamiit Upernavimmut attaveqartussaq ukiut ikittut qaangiuppata atulissaaq.
