Internet ingerlaqqilerpoq
Kalaallit Nunaanni internetimik atuisut nunarsuup sinneranut attaveqaqqissinnaalerput.
Nalunaaqutaq tallimanut tanneq ulinngortorlu Tele Greenland nalunaarfigitippoq, Danmarkimi ajutoorneq maanna aaqqinneqarsimasoq.
Ajutoornermi akiliutit Dankortit aamma eqqorneqaraluarput, atorneqarsinnaajunnaarlutik, aamma attaveqaat MPLS, suliffeqarfissuarnit atorneqarnerusartoq aamma kipisimagaluarluni.
- Niuertarfinni ualeq qangatut iliortariaqarsimapput, tassa atortut ”fluesmækkerit” atorlugit akiliisitsisariaqartarsimapput, Dankortit assigisaallu atorneqarsinnaanngimmata, Tele Greenland A/S-imi avammut tusagassiisartuugallartoq, Majbritt Didriksen Raal Radioaviisimut oqaluttuarpoq.
Atortunik aserortooqqanerup kingunerisimavaa, Kalaallit Nunaanni tamarmi internetimik atuisut nittartakkanut nunatsinneersunut taamaallaat isersinnaasimanerat, avammut alakkaasoqarsinnaasimanngivilluni.
