Internet atorlugu ilinniartitsineq atugaanerulissaaq
Immap naqqatigut kabeliliisoqarpat periarfissat annerulissasut, Nuummi Niuernermik Ilinniarfimmi nunanut allanut tunngasunik ataqatigiissaarisup Per Thomsenip oqaatigaa, allanilli aamma periarfissiivoq:
- Interneti aqqutigalugu soraarummeersitsisoqartarpoq, internetimulli attaveqarneq ullumikkut periarfissaasoq killeqarpoq. Immap naqqatigut kabeliliinikkut nipit assillu pitsaanerulerpata internet atorlugu ilinniartitsisarneq soraarummeersitsisarnerlu periarfissagissaarnerulissaaq.
Internetikkut ilinniartitsillunilu soraarummersitsisarnerit ilinniarfinnut allanut innersuussutigisinnaavigit?
- Ilaana, assut innersuussutigerusunnaqaaq. Allatulli ilinniartitsisalertariaqarnissaq ilinniartitsisup sillimaffigisariaqassavaa, ilinniartitani peqataatinnerusariaqassallugit, Per Thomsen naggasiivoq.
