Internet atorlugu angerlarsimaffimminniit misilitsittut 30-it sinnerlugit

Silap ajornera pissutigalugu illoqarfimmut ilinniartuuffigisannut apuussinnaajunnaaqqavit, ilaqquttavilluunniit arlaata napparsimanera pissutigalugu ilaquttatit najortariaqarsimavigit imaluunniit ilinniarnernut atatillugu nunanut allanut aningaasatigut tapiiffigineqarsimallutit angalavit, ullorlu taanna oqaluttariarsornikkut misilitsittussaagaluarlutit aggersinnaajunnaarsimavit, taava imaanngilaq soraarummeernissat navianartorsiortoq?.

Kalaallit Nunaata isorartunerujussua pissutigalugu ilinniartullu sinerissamiit taama siamasitsigisumiit ilinniartuutigitillutigit nutaaliortariaqarpugut. Taama oqarpoq, Per Thomsen, Niuernermik Ilinniarfimmi Nuummiittumi qarasaasiaq atorlugu teknologi nutaaliaasoq atorlugu internitikkut soraarummeersitsisarnermik sulialik, nangipporlu;

Ukiup affaata ingerlanerani Nuummi Niuernermik Ilinniarfiup internetti atorlugu soraarummeertitsinerit 30-it ingerlassimavai, ilinniartitsisut, censorit kiisalu ilinniartut imminnut ungasikkaluaqisut qarasaasiaq assiliissullu atorlugu oqaloqatigiissinnaaneri ingerlanneqarsinnaasimapput.

Ilinniartuutigut illoqarfimminnut nunaqarfimmin-nulluunniit angerlajaarsimasut internitti atorlugu soraarummeersittarpavut qanittukkullu sap. ak. kingulleq ilinniartut skotlandimut angalasut soraarummeernissaminnut atatillugu nunatsinniissinnaanngimmata internitti assiliissullu atorlugu soraarummeernerat ingerlanneqarpoq.

Qujanartumillu atortulersuutit eqqarsaatigalugit maannakut assilissatigut allatigullu suli ajutoortoqanngilaq.