Internet aqqutigalugu ilinniarnermi atugassiat
Ilinniartitaanermut Naalakkersuisoqarfiup tusagassiuutinut nalunaarummini oqaatigaa taassuma atuakkat ilinniuterpassuit taarsersinnaagai. Ilinniartut ilinniartitsinermi atortunut imartuunut, Nunatsinni pissutsinut naleqqussakkanut, ilisimasanillu fagit akimorlugit pissarsiarineqarsinnaasunut, isersinnaassapput.
Atortuni tamani Nunatsinni pissutsit pineqarput, tassa inuiaqatigiinnut, kisitsisinut, nunanik ilisimatusarnernut, ujarassiornermut, kulturimut il.il. tungasuullutik.
Namminiilivinneq piviusunngussappat unammilligassat periarfissallu qitiupput. Apeqqut tassaavoq ataatsimut tapiissutinik pisarunnaassagutta aningaasat suminngaaniit pissarsiarineqassanersut. Tamanna assersuutigalugu aatsitassat, ilinniagaqarneq innuuttaasullu ineriartornerat, pissutsit Kalaallit Nunaanni aningaasaqarnerup iliuuseqarnissamullu periarfissanut tamanut annertuumik pingaaruteqartut, pillugit pissusiviit aallaavigalugit ilinniartut nalilersussavaat.
IT inuusuttut amerlasuut ulluinnarni atortarpaat, atortullu pissutsimut tassunga naleqqussagaapput. Nittartagaq pillugu annertunerusumik paasisaqarusukkuit uunga isiinnassaatit - ilinniarfik.mapicture.gl.