- Uagut isiginngitsuusaarneqartuaannarlutalu tusaanngitsuusaarneqartuaannarsinnaanngilagut. Ullut tamaasa sulisariaqartarpugut napparsimanissatsinnut akissaqannginnatta, ÀnéraK´ Barlej oqarpoq.
Akiligassagut pingaarnersiorlugit tulleriiaartarpagut.
Meeqqerivinnut akiligassat siulliuttarpakka tulliullugu illumut kiassarnermullu akiligassat akilertarpakka, ÀnéraK´ Barlej taama oqarpoq.
Taassuma ilanngullugu oqaatigaa akissarsiani akiligassanut tamanut akiliutigissallugit naammanneq ajortut, akiligassatillu tamaasa akilertarniarunikkik tullianik akissarsinissamik tungaanut nerisassarsinissaminnut akissaaruttassallutik.
ÀnéraK´ Barlej inuit aningaasaatiminnik pingaarnersiuinerminni nerisassat akiligassanit pingaarnerutillugit pisiarisariaqartarmatigit paasilluarsinnaavaa.
Qeqertarsuatsiaani inoqutigiit tallimat Septemberip aallartinnerani innaallagissamut akiliineq ajornertik pissutigalugu Nukissiorfimmiit qaminneqartariaqarsimapput.
Nuummi innaallagiaq kilo watt tiimimut 1 koruuni 44 ooreqarpoq, Qeqertarsuatsiaanili 2 koruuni 64 ooreqarluni.