Inooqataa unataasimasutut pasineqarpoq
Angut 59-inik ukiulik Koldingimi politiinit pasisaalluni tigusarineqareersoq, politiinit oqaatigineqarpoq, paasiniaanerilli matoqqasuummata paasissutissat annerusut politiinit oqaatigineqarsinnaanngikkallarput.
Koldingimi politiit paasiniaasartuisa pisortaata, Verner Pedersenip oqaatigaa, paasiniaanerit pereerpata, paasissutissanik annerusunerusunik poorskip kingorna aatsaat tusarliussisinnaallutik.
Kolding Ugeavisimi allaaserineqartutut, arnaq inimini toqungasoq marsip 17-ianni nassaarineqarpoq, politiillu paasissutissiinerat naapertorlugu arnap sakkumik inngigissuunngitsumik anaalerneqarnini toqqutigisimavaa.
Angut kalaaleq, 59-inik ukiulik politiinit tigusarineqartoq peqqarniitsumik unataasimasutut pasisaavoq, toqumik kinguneqartumik unataasimasutut suli pasisaanngitsoq politiinit oqaatigineqarluni.
Inatsisit tunngaviusut naapertorlugit killisiorneqareerluni, angut apriilip 17-iata tungaanut tigummigallagassanngortinneqarpoq.
