Tasiilami upalungaarsimasut Innuttasut ernumassutissaqanngillat

Tasiilami upalungaarsimasuutitat piareersimalluarput, nuna sajunneranit annertuumik ajutoortoqassagaluarpat, taama oqarpoq upalungaarsimasuutitat pisortaata tullia Hendrik Andreassen. 

  -  Nunap sajunnerata kingorna sanaartukkat illullu uppikaanerisa kingorna  annaassiniarneq pillugu Tasiilami upalunaarsimasuutitat 16-usut taakkunannga 14-it ukiarmi pikkorisartinneqarput, Hendrik Andreassen oqarpoq. 

Tasiilami upalungaarsimasuutitat pikkorissaqqammerput,  nunap sajunnerata kingorna aputip sisoorneranit matoorussaasut annaanniarnissaannut.

AAMMA ATUARUK Tasiilami nuna sakkortuumik sajuttoq

Aputip sisoornerata kingorna matoorussaasunik annaassiniarnermik pikkorissarnerit marluk, modul 1 aamma modul 2, Tasiilami upalungaarsimasuutitat qulit pikkorissaqammerpaat, upalungaarsimasuutitat pisortaata tullia Hendrik Andreassen oqarpoq. 

Tasiilami nunap sajuttarnerata akulikilligaluttuinnarnera innutaasunit oqaluuserineqaqaaq,   tamannalu upalungaarsimasuutitat pisortaata tulliata paasisinnaalluarpaa,  naak nunap sajunnerata kingorna annertunerusumik suli  ajoqusertoqanngikkaluartoq.

- Tasiilami innutaasut nunap sajuttarnerisa sakkortusisarnerat malugisarsimallugu oqaaluuserisarpaat,   kisianni uanga oqaloqatigisartakakka imartorsuaq ernumanngillat, Andreassen oqarpoq.

Annertuumik ajutoortoqassagaluarpat,  Hendrik Andreassenip suluisuilu piareersimalluartut taassuma qulakkeerlugu oqaatigaa.

-  Suliassagut takkutissappata suliarissavagut, ernumanngilagut,  tamanna Tasiilami innuttaasunut oqariartuutigisinnaavarput, piareersimavugut arlaannik  pisoqassagaluarpat, Tasiilami upalungaarsimasuutitat pisortaata tullia Hendrik Andreassen taama oqarpoq.