Tasiilami nuna sakkortuumik sajuttoq
Aatsaat taama sakkortutigivoq, taama oqaluttuarpoq Danmarkimi Nunatsinnilu ujarassiornikkut misissuisarfimmi GEUS-imi ilisimatooq Trine Dahl-Jensen.
Sapaammi ullaaralaakkut nuna sajuppoq, richterip nunap sajunneranut uuttuttaa naapertorlugu 2,9 qaangilaarlugu Tasiilamit 25 kilometerisut avannarpasitsigisumi sajuppoq, isumaqarpungalu Tasiilami innutaasut amerlanerit tamanna malugisimassagaat, Trine Dahl-Jensen oqarpoq.
Tasiilami ullut tamagajaasa nuna sajuttarpoq.
- Qaammaatit kingullit pingasut ingerlannerani nunap sajuttarnera ullut tamangajaasa malugisalernikuuarput. - Nuna sakkukitsumik aamma ullu alla sakkortuummik sajuttarluni, - ullormiit ullormut assigiinneq ajorpoq, Thomas Kristensen Tasiilami najugalik taama oqaluttuarpoq. Siullermik sakkukitsumik qanngulupaluttarpoq sakkorsiartortarulunilu - qaarpalunnersua takkuttarpoq, ilaanni immiartorfiit ilitsivinniittut nipeqartarput, Thomas oqaluttuarpoq.
Tasiilami ukiup ataatsip ingerlanerani nuna 236-eriarluni nuna sajuppq, GEUS-imi nunap sajunneranik nalunaarsuiffimmi tamanna takuneqarsinnaavoq.
- Juulip qaammataani 2017-mili, ingammik ukiup affaani kingullermi nuna arlalippassuariarluni sajuppoq, ukiup affaanut siullermut sanilliullugu, Trine Dahl- Jensen oqarpoq.
- Ingammik jannuarip qaammataani nuna arlaleriarujussuarluni sajuppoq tassalu jannuarip qaammataani 40-it sinnerlugit nuna sajuppoq, Trine Dahl-Jensen oqaluttuarpoq. Tasiilami nunap sajuttarnera sumik patsiseqarnersoq ilisimatuunit erseqqissumik nassuuiarneqarsinnaanngilaq eqqoriarneqarsinnaallunili.
- Kalaallit Nunaanni nunap sajuttarneranut pissutaasartoq tasaasoraarput,
Kalaallit nunaata qangarsuaq sermimit qallersimaneqarnerata kingorna sermip aakkiartorneranit nunap qaffakkartorneranit Kalaallit Nunaanni nunap sajuttarnera akulikilligaluttuinnartoq, Trine Dahl-Jensen oqarpoq.
Trine Dahl-Jensen Danmarkimi Nunatsinnilu ujarassiornikkut misissuisarfimmi GEUS-imi ilisimatuup innuttaasut kaammattorpai nuna sajukkaangat
Danmarkimi Nunatsinnilu ujarassiornikkut misissuisarfiup GEUS-ip nittartagaani nalunaarsuiffimmut immersueqqullugit.
