Assi: KNR

Innuttaasut peqqissusaat pillugu nalunaarusiaq saqqummerpoq

Innuttaasut peqqinnerulernissaat suli pisariaqarluartoq nalunaarusiap takutippaa, naalakkersuisoq oqarpoq.

Peqqissutsimut misissuinermi peqataasut affaanik amerlanerusut ikiaroornartumik hashimik pujortarneq misilissimavaat. Innuttaasut peqqissusaannik misissuisarfik matumani saqqummersitamini allaaserinnippoq, angutit hashimik pujortartartut amerlanerusut.

Misissuineq

Misissuinermi inersimasut 2.102-t apersorneqarput.

 

Peqataasut uuttortarneqarsimapput oqimaalutarneqarlutillu, aavisa qaffasissusii uuttortarneqarlutik skiimamillu immersuisinneqarlutik.

 

Peqataasut 547-t aavinik misissugassanik tigusiffigineqarput.

Taakkunanilu 18-iniit 34-llu akornanni ukiullit pingajuarterutaat minnerpaamik qaammammut ataasiarlutik ikiaroornartumik hashitortarput.

Aamma atuaruk Pujortartartut ikilisimagaluartut suli ajornartorsiuteqarpoq

Misissuinerup siulianit amerlanerupput, illuatungaanili arnat akornanni hashitortarneq tamatigut apparsimavoq.

Naalagaaffiup innuttaasut peqqissusiannik misissuisarfia, Statens Folkesundhed, Namminersorlutik Oqartussani Peqqissutsimut naalakkersuisoqarfik suleqatigalugu nunatsinni 2014-imi misissuereerlutik taama saqqummersitsipput.

Annertuumik pujortartartut ikinnerulerput

Nunatsinnilu annertuumik pujortartartut ikileriarsimasut ilaatigut aamma saqqummiunneqarpoq.

- Pitsaasuuvoq 1993-imilli annertuumik pujortartut ikileriarsimammata. Angerlarsimaffinni illup iluani pujortarnerit aamma ikiliartorsimapput, Peqqissutsimut naalakkersuisoq Doris Jakobsen oqarpoq, nangillunilu;

Aamma atuaruk Pualasuut nikassarneqartarnerat ingasatsikkiartorpoq

- Taamaattorli maluginiagassaavoq innuttaasut 57 procentii suli pujortartuupput aammalu 1999-imilli pujortartut ikileriarsimannginneri. Tamanna toqqissisimananngilaq, Doris Jakobsen oqarpoq.

Pujortartarneq

1993 - 68 procentiisa ulluinnarni pujortartarput.

1999 - 58 procentiisa ulluinnarni pujortartarput.

2014 - 57 procentiisa ulluinnarni pujortartarput.

 

Ulluinnarni pujortartartut ukiut 15-it ingerlanerini annertuumik ikileriarsimanngikkaluarlutik pujortarnikinnerulersimapput: Inummut ataatsimut cigaretsit 10,6-imiit 8,1-imut.


Kilde: Folkesundhed i Grønland 2014

Inuit qaffasinnerusumik inissisimasut akornanni allanut sanilliullugit pujortarnikinnerusut misissukkap takutippaa.

Angutit ilinniagartuut pualanerusut

Illuatungaanili pualavallaarneq angutit illoqarfinni ilinniarluarsimasut akornanni marloriaataavoq, angutinut nunaqarfimmiunut sanilliullugit.

Aamma atuaruk Genip immikkuullarissup kalaallit sukkulersittarpai

Pualavallaarneq arnat akornanni inuiaqatigiit iluanni assigiippoq, naalakkersuisoqarfik taama allappoq.

Misissuineq kommunini sisamaasuni ingerlanneqarpoq, illoqarfiillu aqqanillit nunaqarfiillu arfineq-pingasut peqataallutik.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat