Innuttaasut maalaaruteqarsinnaanermut siunnersorneqarneq ajortut

Innarluutillit pillugit suliat aalajangiiffigisassat Kommunit 2011-imi akisussaaffigilerpaat.

Innarluutillit pillugit innuttaasut 2014-imi maalaarutaasa ikileriarsimanerat,  Isumaginninnermi Naammagittaalliuteqartarfiup siulittaasuata, Naja Joelsenip ernumanartippaa. Maalaaruteqarnissamut pisinnaatitaaffeqarnerup ilisimaneqannginnera pissuttaasoq siulittaasoq isumaqarpoq.

- Maani naammagittaalliuteqartarfimmi maluginiagarput tassaavoq naammagittaalliutit innarluutilinnut tunngasut ikileriarsimanerujussui. Tamannalu tupigusuutigaarput, Isumaginninnermi Naammagittaalliuteqartarfiup siulittaasoq, Naja Joelsen KNR-imut oqarpoq.

Qanoq ernumanartigaa?

- Isumaqarpunga ernumanartupilussuusoq. Tassami imaaratarsinnaavoq ikiorneqarnissamik siunnersorneqarnissamillu pisinnaatitaaffiinut naapertuuttumik pineqarsimanngitsut, Naja Joelsen oqarpoq.

Naja Joelsenip oqaaseqarnera Naammagittaalliuteqartarfiup ukiumoortumik nalunaarusiaq 2014-moortoq saqqummiunnerani taamak oqariartuuteqarpoq.

Naammagattaalliutit 199-t

Naammagittaalliuteqartarfiup 2014-imi naammagittaalliutit 199-it tigusimavaat, taakkunanili 153-it ingerlateqqitassatut akuerineqarsimanngillat naammagittaalliornissamut piffissaliussaasoq qaangerneqarsimammat imaluunniit suliassat kukkusumut tunniunneqarsimammata.