Innuttaasut kommunersuarlu qanimut attavigiinniarput

Aallagarsiivimmik taallugu nittartakkamik pilersitsisoqassaaq tassani kommuunimi tamarmi innuttaasunut ataatsikkoortumik paasissutissanik imaqartartussamik.

Aallaqqaammut Tasiilami Paamiuni Nuummilu ukiamut misilittarneqassapput, kingorna illoqarfiit nunaqarfiillu tamarmik allagarsiivimmik InfoBordsimik taagorneqartumik pilersoneqarnissaat siunertarineqarpoq.

Borgmesteri aammalu kommunalbestyrelsimi ilaasortat kommuunimi innuttaasunik tamanik attaveqateqarnissartik eqqumaffigilluinnaraat Kommuneqarfik Sermersuup Attaveqatigiinnermut pisortaq Stine Johansen tusgassiuutinut allagaqarluni taamatut allappoq.

Ilisimaaraarput kommuunimi innuttaasunut sulisunullu naammaginartumik attaveqateqalernissap atuutilernissaanut suli piffissamik pisariaqartitsiumaarluta. Sulissutiginerali uppernarsarsinnaavarput, misigisimavarpullu innuttaasut amerlanersaasa nunarsuarmi kommuunit annersaata tulliata pilersinneqarnissaanut piffissaqartoqartariaqartoq paasilluarsimagaat, Stine Johansen Kommuneqarfik Sermersuumi Attaveqatigiinnermut pisortaq oqarpoq.