Innuttaasut ineriartornerat nuttarnerallu nalunaarusiarineqarpoq
Misissuinerup inernera tusagassiortunut ullup qeqqata siorna saqqummiunneqassaaq. Misissuinerulli inernera pisortatigoortumik ualeru aamma saqqummiunneqartussaavoq.
Pisortatigoortumik saqqummiussinissaq Ilimmarfimmi ualeru nalunaaqutaq pingasunut pissaaq. Innuttaasut suliffeqarusullutik nuukkusuttarnerat, Nunatsinni ineriartornermut qanoq kinguneqarsinnaanersoq ammasumik oqallisigineqarsinnaajumaarpoq.
Rasmus Ole Rasmussenip misissuineri nalunaarsuutit, apeqqutit immersukkat apeqqarissaarnerillu tunngavigalugit suliaapput. Nunatsinni siunissami ineriartornissamut nalunaarusiap inerneri pingaaruteqartorujussuupput.
Alumiiniumik Maniitsumi aatsitsiviliornissap piviusunngornissaata, aatsitassarsiorfinnillu nutaanik pilersitsinissap, kingunissai, misissuinerup inernerini ilapittuutaasinnaapput. Inerit aamma Nunatsinni nunaqarfiit siunissaannut qallinnissamut pingaaruteqarsinnaallutik.
