Innuttaasunik misissuisitsineq nutaaq aallartinneqarpoq
Inuit nuna tamakkerlugu katillugit 2.600-it ukioq-manna aggersarneqarnissaat ilimagineqarpoq, taakkulu amerlanersaat misissuinerni siullerni peqataasareerput. Peqqissuseq, napparsimaqqajaaneq inuunermilu atukkat qanoq ittuunersut taamaalillutik uppernarsarneqarsinnaanngussapput, Inuunerittallu pilersinneqarnerata siorna kingornalu inuit qanoq peqqitsiginersut paasineqarsinnaanngussalluni.
Misissuinerit inunnik apersuinikkut, apeqqutinik akisassanik nassiussuinikkut, taavalu assersuutigalugu aap naqitsineranik timillu orsoqassusianik uuttuinikkut ingerlaneqassaaq. Taava aamma misissuinermi peqataasut ilaatigut imigassamut, tupamut, timimik atuinermut nerisanullu tunngasunik apersorneqassapput, soorluttaaq peqqinnissaqarfik iluarisimaarneraat aperineqassasut.
Ilisimatut nunatsinni tamani illoqarfinnut nunaqarfinnullu tikeraaqattaassaput.
Peqqissutsimut naalakkersuisoq, Steen A. Lynge, peqataaqqullugit allaffigineqarsimasunut tamanut kaammattuivoq, peqataaqqullugit.
- Misissuinermi inernerujumaartut pisariaqartippagut, peqqinnissamimmi sullissinitsinni suliat sammivissillugillu pingaarnersiortariaqarpagut, Steen A. Lynge allappoq.
