Atuagaq qulequtalik: ”Kalaallit inngerutinik atuinerat” saqqummiunneqaleruttorpoq. Taanna H.C. Petersen-imit Michael Hauser-imillu suliarineqarpoq, 131-nillu qupperneqarluni.
- Hans Egede-p tikinnerata kingorna inngerutit tammariartuaalersimapput. Ullumikkullu eqqaamaneqartut annikitsuinnaallutik, H.C. Petersen oqarpoq.
Atuagaq kalaallisut danskisut tuluttullu allagaavoq, atuakkamilu tunumiut avanersuarmiut kitaamiut kujataamiullu inngerutaasa immikkoorutaat ersersinniarneqarpoq. H.C. Petersen aperaarput taakku qanoq assigiinngissuteqartiginersut.
- Assersuutigalugu kitaamiut inunnik siuleqarput tunumiullu tornginit akoqarput taakkunanngalu assut sunnersimaneqarsimallutik.
Inngerutaannaanngitsutigut aammali qiperueriaatsimikkut allaanerussuteqaqaat, oqarpoq.
Atuagaq inngerutit erinaannik imalimmik nuuteerartaqarpoq.