Innermik anitsisoqarsinnaanera aarleqqutigaat

Islandimi innermik anitsisartup, Katlap anitsisinnaanera ilimagineqalerpoq, taamaattoqassappat innermik anitsinernit marluusunit Eyjafjälläjökullimit Grimsvötnimillu sakkortunerujussuussangatinneqarpoq.
Allattoq Gedion Storch
oktobarip 07-at 2011 09:15

Tassaaku Katlap iluani nunap sajoqattaarneri tunngavigalugit , Islandimi nunarsuup sananeqaataanik sajuttarneranillu anitsisoqarsinnaanera ilisimatuunit aarleequtigineqalersoq, TV.dk-mi allaaserineqarpoq.

Grimsvötnimi innermik anitsisartup arsakuisa silaannarmut anianerisa kingunerisaanik Europap ilarujussuani timmisartuussinerit eqqorneqarput, maannali ukioq ataaseq ingerlareersorlu taamaalisoqaqqinnissaa ilimanarsivoq - soorlu aamma Katlap sanilia Eyjafjälläjökullimi upernaakkut 2010-mi arsakunik aniatitserujussata kingunerisaanik Europami aamma paatsiveerunnersuarmik pilersitsimasoq.

Tamakkuli innermik anitsisartup anginerujussuusup Katlap aniatitsileratarsinnaaneranut sanilliutissagaanni suunngillat.

Nittartagaq vedur.is naapertorlugu pingasunngornerup unnuaani Katlap eqqaani nunap sajuppillataarnerpassui maluginiarneqarsimaapput.

Innermik anitsisoqarnissaanut nunap sajuttarneri aarlerisaarutaasinnaapput. Islandimi nunarsuup sananeqaataanik sajuttarneranillu ilisimatuut qaffasinnerpaamik upalungaarsimalersut nunallu sajuttarnerinik qanimut malinnaasorujussuusut, TV2 allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq