Innarluutillit tamarluinnangajammik suffeqarput

Ilulissani sungiusarfik Ikinngummi innarluutillit ineqartut tamarluinnangajammik suffeqarput. Sisamat atuartuupput, pingasut illoqarfimmi suliffeqarput, ataaserlu ”Ikinngummi” sulisuulluni. Sungiusarfik aamma sannaveqarpoq, arlallit naneruusiassaq, igalaamineq, marraq, ameq allallu atorlugit kusanartuliortarlutik.
oktobarip 10-at 2008 05:40

- Innarluutilittatta illoqarfimmi inooqataanertik assut iluaraat, forstander Jette Hvidtfeldt oqarpoq.

”Ikinngummi” ineqartuutigut suffissaaleqitinngeqaagut. Illoqarfimmi sulisartortagut ”Sannavimmi” assassortartutulli 15 koruunik tiimimusiaqarput. Tamannami inatsisitigut aalajangersagaavoq, Jette Hvidtfeldt nassuiaavoq.

Forstanderip Ilulissat innarluutilinnut najugassatsialaasoraa, oqarluni ineqartuutitik sulinerminni nuannarineqartut. Ineqartut innuttaaqataanertik aamma imminnut tatiginerulissutigisarpaat tulluusimaarutigalugu.

- Soorlu uagut tamatta aamma tulluusimaarutigisaripput suliffimmi akuunerput, oqarpoq.

Aperaarput inuusuttoq illersugaasumi sannavimmiissanersoq imaluunniit illoqarfimmi sulissanersoq qanoq paasisarneraat.

- Maani atuarfik iluaqutigisaqaarput, sisamanimmi maanna atuartuuteqarpugut. Atuartoq atuarfillu suleqatigiilluta inuusuttoq sussanersoq paasiniartarparput sulinermillu sungiusarnissaa aaqqissuuttarlugu, Jette Hvidtfeldt naggasiivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq