Innarluutillit sunngiffimmi sammisassaqartitsinikkut atuartinneqalerput

Namminersornerullutik Oqartussat isumaqarput innarluutillit ukiuni qulini meeqqat atuarfianeereersut sunngiffimmi sammisassaqartitsineq atorlugu atuartinneqarsinnaalluartut. Ilinniartitaanermi nakkutilliisoq Kaali Olsen oqarpoq sunngiffimmi atuartitsinermut inatsit malillugu atuartitsisoqarsinnaasoq. Tamannalu periarfissaq innarluutilinnut peqqissunullu assigiimmik atorneqarsinnaasoq. Kaali Olsenip erseqqissaatigaa nalinginnaasumik sunngiffimmi atuartitsinermi atuartut tallimaagaangata aatsaat piviusunngortitsisoqarsinnaagaluartoq innarluutillit marluugaangata piviusunngortinneqarsinnaasartoq, immikkullu akuersisoqarneratigut innarluutilik ataasiinnaq atuartinneqarsinnaasoq.

Namminersornerullutik Oqartussaniit matumani ilinniartitsisut akissarsiassaasa allannguuffigineqarnissaat aporfigineqarsorineqarpoq. Meeqqat atuarfiat aqqutigalugu immikkut annertusisamik atuartitsineq 511 kroneqartoq sunngiffimmi sammisassaqartitsineq aqqutigalugu atuartitsineq taamaallaat 288 kronenik akissarsissutigineqartarmat.