Innarluutillit kingulliunneqartarput

Tarnikkut nappaatillit innarluutillillu imaqarnerusumik inuuneqartinneqarlutik ataqqineqarnerusinnaanerat piviusunngussappat aningaasat amingaataapput.

Taama oqarpoq perorsaasut ilinniarsimasut peqatigiiffiani siulittaasoq Naussunguak Bisgaard.

- Tarnikkut nappaatillit innarluutillillu Inunngoqqaarneriniit tapersersorneqarsinnaanerinut, soorlu atuartitaanikkuy ilinniarnikkut susassaqartitaanikkut, inissaqartinneqarnermullu nuna tamakkerlugu iliuusissamik politikkimillu amingaateqartoqarpoq.

P.I.P-p maluginiartagaasa ilagaat kommunit Namminersornerullutillu oqartussat, sullissiniarnermut tulleriiaarinerminni tarnikkut nappaatillit innarluutillillu kingulliunniarneqartartut.

Perorsaasut innarluutilinnik tarniluttunillu sullissisut sivisunerusumik sullivinni sulitiinnarnissaat ajornakusoorpoq, tamannalu ilaatigut ilinniartitsierunikkut aaqqinneqartariaqartoq oqaatigineqarpoq.

Ilaqutariinnermut pisortaqarfiup nuna tamakkerlugu innarluutilinnik nalunaarsuiniarnera PIP-mit tapersersorneqarpoq.