Innarluutillit efterskolernissamut periarfissaat pisariillisarneqarput

Juliane Henningsenip, Inuit Ataqatigiinneersup, ilinniagaqarnersiuteqartarnermut pisinnaatitaaffiup peerneqarnissaa pillugu siunnersuutigisimasaa, Inatsisartuni ataatsimiititaliani sukumiisumik oqallisigineqareersorlu taama inerniliisoqarpoq.

Annerusumik innarluutillit ilinniagaqarnersiuteqarnissartik pisariaqartinngilaat, taakkumi sioqqutsilluni soraarnerussutisisarnissaminnut pisinnaatitaaffeqarput.      

Ataatsimiititaliaq, Inuit Ataqatigiinnit, Siumumit Demokraatinillu, ilaasortaatitaqartoq, taamaalilluni Naalakkersuisunit kiisami taperserneqarpoq, naak siunnersuut upernaaq ataatsimiinnermi itigartinneqaraluartoq.

Inuusuttut annerusumik innarluutillit efterskolernissaminnut ukiut tamaasa tassa qinnuteqartariaarupput.

Taakkulu qilanaarsinnaanngorput:

Siunnersuummi ilaasortat ataatsimiittarfimmiittut tamarmik isumaqatigaat.