Innarluutillit atugaat oqallisigisigik

Innarluutillit atugarisaat inuiaqatigiinni kalaallini immikkut sammineqarniassammata aamma innuttaasut akornanni paasinninnerulernissaq anguniarlugu, ukiormannattaaq sapaatip akunnerani 41-mi, tassa oktobarip tallimaanniit aqqarnannut, Innarluutillit Kattuffiata aamma Isumaginninnermut Naalakkersuisoqarfiup suleqatigiillutik innarluutillit isiginiarneqarnissaat kissaatigaat.
Allattoq Elisa Isaksen
aggustip 29-at 2009 17:01

Innarluutillit Kattuffiata Naalakkersuisoqarfiullu qanoq inissaqartitsitiginerput eqqarsaatigeqquaa. Aamma aperipput innarluutillit ilaluarisaallutik ataatsimooqatigiit avataaniilersinnissaat qanoq iliorluta pinngitsoortissinnaaneripput?

Innarluutillit inuiaqatigiinnut kalaallinut ilaammata erseqqissarneqarpoq, taamaammallu tamatta sapaatip akunnera 41 atorlugu innarluutillit atugarisaat qitiutillugit oqalliseqataasariaqarpugut.

Isumaginninnermut Naalakkersuisoqarfiup erseqqissarpaa, sumiiffinni assigiinngitsuni susassaqartitsinermut aaqqissuussinernullu allanut tapiissutinik qinnuteqartoqarsinnaammat. Qinnuteqarnermi immersugassaq Naalakkersuisoqarfiup nittartagaani www.nanoq.gl -imi pissarsiarineqarsinnaavoq.

Qinnuteqaat kingusinnerpaamik septembarip 26-anni Naalakkersuisoqarfimmeeriissaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq