Innarluutilinnut Danmarkimut inissinneqarsimasunut 491 millionit aningaasartuutigineqartut
Isumaginninnermut naalakkersuisoq, Sara Olsvig, Partii Naleqqameersup Anthon Frederiksenip § 37 naapertorlugu apeqquteqaataanut akissuteqarluni taama ilisimatitsivoq.
Innuttaasut 132-t Danmarkimut inissinneqarsimapput 'Nunatsinni inissiinissamut naleqquttumik periarfissaqannginnera pissutigalugu'. Kommunalbestyrelsilli ukiumut ikinnerpaamik ataasiarlutik innuttaasup pineqartup Nunatsinnut angerlartinnissaanut periarfissat misissortassavaat.
Innuttaasullu Danmarkimit Nunatsinnut angerlartinneqannginnerani pissutsit arlallit naammassineqarsimasariaqarput. Kommuni ilaatigut innuttaasumut iliuusissat pillugit pilersaarusiortussaavoq, angerlartitsisoqannginneranilu pilersaarusiaq taanna Naalakkersuisunit akuerineqaqqaartussaalluni.
AAMMA ATUARUK Katsorsartikkiartortunut aningaasartuutit ikilisimapput
Naalagaaffiit Peqatigiit isumaqatigiissutaat
Anthon Frederiksenip aamma naalakkersuisumut Sara Olsvigimut apeqqutigaa, innarluutilik Nunatsinnut angerlarumassanngikkaluarpat, naak tamanna oqartussanit aalajangiiffigineqareertoq, innarluutilimmut aningaasartuutaasut Nunatsinnit akilersortuaannarneqassanersut.
Naalakkersuisup tamatumunnga akissutigaa ataasiakkaat nalilersuiffigineqarnerat tamatumani tamatigut tunngavigineqartartoq. Danmarkimili kommunip innuttaasumut aningaasartuutaasut akilersulersinnaagai nunatsinni innuttaasoq Nunatsinni kommunigisami kommunigiunnaarsimagaa nalilerneqarpat.
Qaasuitsup Kommunia
Innuttaasut 39-t, 165,9 millionit koruunit
Qeqqata Kommunia
Innuttaasut 24-t, 91,6 millionit koruunit
Kommuneqarfik Sermersooq
Innuttaasut 53-it, 181,2 millionit koruunit
Kommune Kujalleq
Innuttaasut 16-it, 52,4 millionit koruunit
