Innarluutilik: Kalaallit Nunaannut angerlarusuppunga, umiatsiamillu angalaartarlunga
Kalaallit innarluutillit 105-it Danmarkimi najugaqarput, taakkunannga amerlanerpaartaat ineriartornermikkut akornuteqarput. Taakkununnga ilaavoq 25-nik ukiulik Suulut.
Suulut aqqanilinnik ukioqartoq ineriartornermigut akornuteqarmat Danmarkimi inissiisarfimmut inissinneqarpoq. Tamanna Suulummut misigissutsikkut assut attortinnarsimavoq.
- Taamani allaasorujussuuvunga, kamallunga qiasarlungalu, Suulut oqarpoq.
Suulup kissaatigaa Kalaallit Nunaannut uteqqinnissani.
- Ilaquttakka maqaasisarpakka. Kalaallit Nunaanni aallarsinnaavugut, piniarsinnaalluta, taavalu ataatagalu aallaqatigiissinnaasarluta, Suulut oqarpoq.
Suulut massakkut 25-nik ukioqarpoq atuakkamilu ullumi saqqummersumi Forvist til forsorgimi inuunerminik oqaluttuarpoq.
Suulut Danmarkimi najugaqarpoq Kalaallit Nunaannulli uteqqinnissani kissaatigaa.
Oqaluttuarpoq neriorsorneqarsimalluni imaassinnaasoq Kalaallit Nunaannut 2013-imi uteqqissinnaassalluni.
Naak Suulut angerlarsertaraluarluni Danmarkimi inuunerisani pitsaasutut nalilerpaa. Qaammammullu arlaleriarluni angajoqqaani oqarasuaatikkut oqaloqatigisarlugit oqaluttuarpoq.