Innarluutilik ilungersornermigut initaartinneqarpoq
Rita Christensenip siorna USA-mi sisorartilluni qitini napivaa, ajoquserninilu sioqqullugu ilinniagaqartut ineqarfiinut initaarnissamut qinnuteqarpoq. Ajoqusernermi kingorna napparsimavinni suliartittarnermi kingorna paasivaa, ilinniagaqartut najugaqarfiinut qinnuteqaataa, qinnuteqartut akornanni kingullerpaamut kommuunimit inissinneqarsimasoq.
Ilinniagaqartut ineqarfiinut allatsissimanera suli atuunnersoq qulakkeerniarlugu kommuunimut siarngutigisimasussaasimagaluarpara, taamaalineranili ajoquserujussuarnikuuvunga USA-milu napparsimavimmi uninngallunga Rita Christensen oqaluttuarpoq.
Ilinniagaqartut ineqarfiini initaarnissannut kommune ajornakusoortitsimmat innarluutilinnut naleqqussakkamik initaarnissannikik sorsuuteqarpugut oqarlutalu inuttulli allatut pisinnaatitaaffeqarnerput erseqqissaatigalugu.
Ritap ataataa, Poul Erik Christensen panimmi initaartinneqarnissaanut sorsuutiginnippoq. Sapaatip akunnera ataaseq qaangiuppat Rita ilinniagaqartut ineqarfiinut nuussaaq. Ineqarfissaa innarluutilimmut tulluarsagaavoq, nerriviit nillataartitsivik ilisiviillu skaaviit qullartinneqarsinnaallutillu appartinneqarsinnaapput. Ungasissumit aquut atorlugu igalaat ammarneqarsinnaallutillu matuneqarsinnaapput, taamatullu qulliit ikinneqarsinnaalutillu qaminneqarsinnaallutik.
Ritap angallatigisartagai qamutit innaagissamik pilersorneqartut, inissaannik sanasoqarpoq, silataanilu asfaltilersuisoqarpoq, qamutit atorlugit anillattariaannanngorlugu taamatullu iserfikkuminarsarneqartumi.
Innarluuteqartut atukkatik pillugit sorsuuteqarnerminni nakkaannannginnissaat Ritap kaammattorpai, soorlu kommune suleqatikkuminaassimagaluartoq.
Kalaallit Nunaanni nalinginnaasumik inuttut pisinnaatitaaffiit pillugit sakkortuumik sorsuttoqartariaqartoq Ritap oqaatigaa. Nakkaarnartoqassanngilaq, allatulli pisinnnaatitaaffeqarpugut Rita oqarpoq. Pisortanut uteriisernermi imminut pisuusutut misigisimannginnissaq kaammattuutigaa. Eqqortumik iliorput nakkaannaratilli ilungersuinnassapput, Rita Crhstiensen oqarpoq.
Nunatsinni ilinniagaqartut najugaqarfiini tamani innarluuteqartunut inissialiortoqarnissaaik Ritap ataataa Poul Erik Chrstisensen Namminersorlutik Oqartussanut saaffiginnippoq.
