Angut innarluutilik assakaasulinnik issiavilik ikiaroornartumik hashimik eqqusseriaraluartoq Nuummi tigusarineqarpoq.
Politiit qimmiata angut soqutiginartillugu uniffigimmagu angutip nassatai politiit misissuiffigigaluaramikkik nassaarfiginngilaat, angutilli aqajarua misissorneqarmat paasineqarpoq ikiaroornartumik 173 gramimik aqajarormioqartoq.
- Qimmerput soqutiginnikkaangat iluatsitsigajuttarpugut, pisimasullu takutippa inuit kikkuugaluartulluunniit ikiaroornartumik eqqusseriarsinnaasarnerat, ikiaroornartulerisut pisortaat Finn Jeppesen oqarpoq.
Angut innarluutilik iperagaareerpoq ikiaroornartumillu eqqusseriaraluarnini 7000 koruuninik akiligassinneqaatigaa.