Innaallagissiorfimmi sulisut qimagussorneqarallarput
Reaktorit arfiniliusut pingajuat nunap sajunneranit eqqugaaneruvoq.
- Innaallagissiorfimmi reaktorit pingajuanni pujuliulerneq peqqutigalugu sulisut innaallagissiorfimmik nillusaasut qimagussorpavut, Fukushimami innaallagissiorfimmi avammut oqaaseqartartoq ullaaq taama nalunaaruteqarpoq.
Ingeniørit innaallagissiorfimmi reaktorimik nillusaallutik ilungersuuteqarnerat sapaatip akunneranik sivisussuseqalereerpoq.
Qatserisartut qatserutaat atorlugit reaktori imermik nillertumik tissaluttaarfigineqarpoq.
Innaallagissiorfimmut 20 kilometerisut qanitsigisumi najugallit tamarmik aamma qimagussorneqareerput.
Japanimi nunap sajunnerata tassaarsuaqarneratalu kingorna ajunaartut 9.000-it missaanniittut oqartussanit nalunaarutigineqarpoq, aamma inuit maqaasineqartutut nalunaarutigineqartut 13.000-iupput.
