Misissuineq: Naggueqatigiit Inuit issimut naleqqussarsimasut

Inernerit atuagassiami Molecular Biology and Evolutionimi saqqummiunneqartut, aviisip The New York Timesip allaaseraa.

Ilalisaatit ukiut ingerlanerini allanngorarlutik assersuutigalugu issittarneranut naleqqussariartorsimasut misissuinerit takutippaat.

Ilalisaatit allanngorariartorsimasut inuiannit qanigisariinnit toqorarlutik nungoreersunit "Denisova hominin"-ineersuusut misissuinerit takutippaat. Inuiaat taakku ukiut 500.000-it matuma siornatigut neanderthaleqarnerisa nalaanneersuupput.

Nalitsinni inuit, homo sapiensit, nunarsuarmi siaruaakkiartornerat ilutigalugu Denisova homininut akuliussimapput assersuutigalugulu issittarneranut naleqqussariartorsimallutik. Rasmus Nielsen, University of Californiami, Berkeleymiittumi professori, misissueqataasimasorlu taama oqarpoq:

- Ilalisaatit akuneqarnerat pissutaagunarluni nalitsinni inuit avatangiisinut nutaanut naleqqussarsinnaasimapput, Rasmus Nielsen oqarpoq.