Inissiisarfittaassap sanaartornissaanut qaartitsineq siulleq ullumi pissaaq
Inissiisarfittaassaq naluneqanngitsutut piffissami killiligaanngitsumi pineqaatissinneqarsimasunut matoqqasumik immikkoortortaqartussaavoq.
Kalaallit piffissami killiligaanngitsumi pineqaatissinneqarsimasut siunissami Danmarkiliartittarunnaarnissaat taamaalilluni ullumikkut aamma malunnartinniarneqassaaq.
Pinerluuteqarsimasunut inissiisarfimmik nutaamik sanaartortoqarnissaa Folketingimi 2009-mi aalajangerneqarpoq. Danmarkimi pinerluuteqarsimasunut inissiisarfimmut Herstedvesterimiiittumut kalaallit piffissami killiligaanngitsumi pineqaatissinneqartarnerat ukiuni qulikkuutaani oqallisaareersoq taama aalajangiisoqarpoq.
AAMMA ATUARUK Pineqaatissinneqarsimasut nuunneqarnissaat suleqatigiissitamit misissorneqalersoq
Qaartitsineq siulleq ullumi nalunaaqutaq marlunut pissaaq, Danmarkimilu Nunatsinnilu Pinerluttunik Isumaginnittoqarfimmeersunit, Inatsisinik atuutsitsinermut naalakkersuisumit Mala Høy Kúkomit kiisalu Kommuneqarfik Sermersuup borgmesterianit Asii Chemnitz Narupimit peqataaffigineqassalluni.
Pinerluuteqarsimasunut inissiisarfittaassaq ima isikkoqassaaq:
