Inissianut akiliisarunnaarnissaq tullinnguutissava?

Inuit Ataqatigiit KANUKOKA-p siulersuisuini ilaasortaatitaat, Ove Karl Berthelsen, Nuummeersoq, ippassaq ullaakkut iterami eqiiallatsinneqarpoq, Siumup Maniitsumi siulittaasua, Karl Lyberth, meeqqerivinnut angajoqqaat akiliisarunnaarnissaannik siunnersuuteqartoq tusaramiuk.

Allattoq Louise M. Kleemann

februaarip 22-at 2008 08:31

- Innuttaasut pisortat inissiaataanni ineqarnerminnut akiliisarunnaarnissaannik siunnersuuteqartoqarnissaa taava tullinnguutissava? Ove Karl Berthelsen aperivoq.

Ullumikkut inatsisit tunngaviusut malillugit kommunit meeqqerivinnut akiliisitsisarnissaminnut pituttugaapput, tamannalu allanngortinniaraanni inatsisartutigut suliarineqartariaqartoq, Ove Karl Berthelsen allappoq.

Ove Karl Berthelsen isumaqarpoq, ilaqutariit akiligassaminnik akiliinngitsoortarnerannut akissarsiakinnerat pissutaanerusoq.

- Akissarsiatigut minnerpaaffigititarput qaffatsinniarlugu naalakkersuinikkut suliniuteqarniarta. Innuttaasugut pisortanit ikiorneqarnerput siunertaanngilaq, siunertaavorli namminiilivissinnaanerput aamma akiliisinnaassuseqalernissarput, Ove Karl Berthelsen naggasiivoq.

Inissianut akiliisarunnaarnissaq tullinnguutissava?

Aamma atuaruk