Inissiani oquk eqqumaffigineqaleriartorpoq

- Inissiani oquttoqarneranik ilisimasavut annertugisassaanngillat. Inissiat to, tre procentii oqoqartut ilisimavavut.

Agguaqatigiissillugu qaammammut ataasiarluta oquttoqarneranik nalunaarfigineqartarpugut. A/S INI-p qullersaqarfiani nakkutilliisoq, Henning Rasmussen nassuiaavoq nangillunilu.

Nalunaarfigineqarniariaraangatta inuit nalunaarfigineqartussat erngerluta attavigisarpavut, taakku nalunaarutigineqartoq alakkartarpaat pisariaqaraangallu misissoqqissaagassanik Danmarkimut nassitsisarput.

Henning Rasmussen aperineqarami najugallit pasitsaassaqaraangamik qanoq iliortassanersut, A/S INI-p internettikkut quppernerani immersuisoqarsinnaanerarpaa aamma illoqarfigisami allaffinnut saaffiginnittoqarsinnaanerarlugu.

Svenskit ilisimatusartut paasisimavaat inissiani oquk siullermik pasitsaanneqarsimaneraniit ulorianarnerujussuusoq.

Inissiani oquttuni oquup ulorianaataasa kræfteqalissutaasinnaanera 500-riaammik

annertunerusoq paasineqarsimammat.

Kalaallit Nunaanni inissiat illullu oqullit katillugit 185-it nalunaarsorneqarsimapput. Henning Rasmussenip aamma oqaatigaa, najugaqartut najukkaminni oqummik pasitsaassaqarlutik nalunaaraangata ullualuit ingerlaneranni ikiorserneqartartut.