Inissialiortiterneq pitsanngorsaavigineqassaaq

Naalakkersuisut inissialiortiternernut ukiuni tulliuttuni qulini 4 mia. koruunit tikillugit aningaasaliinissamik pilersaaruteqarput, taakkunanngalu 1,5 mia. koruunit missaanniittut iluarsaassinernut atorneqassallutik.
Allattoq Apollo Jeremiassen
oktobarip 07-at 2010 04:39

Inissiassat iluisa silaannaat eqqarsaatigalugit aammalu nukimmit atuineq eqqarsaatigalugu qaffasissumik piffissamullu naleqquttumik pitsaassusilimmik inissialiortitsinernik anguniarneqarput.

Aalborgip Universitetiata Statens Byggeforskiningsinstitutia Namminersorlutik Oqartussat inissialiortitsineranni ilisimatusarnermik tunngaveqartumik arlaannaannulluunniit attuumassuteqanngitsumik siunnersuisuussaaq.

Ilaatigut nukinnik atuineq illullu iluisa silaannaannut tunngatillugu nutaanik sakkortunerusunillu piumasaqaateqartalernissaq siunnerfigineqarluni.

Kalaallit Nunaanni sanaartukkanik inissianillu pitsanngorsaanissaq siunertarineqarpoq. Assersuutigalugu illuni betoniusuni isaterneqartuni akuutissap PCB-p peqqissutsimut ulorianaateqartup passunneqarnerata piuneerutsinneqarneratalu ajoqutaanngitsumik ingerlanneqarnissaa siunertarineqarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq