Kommune Kujalleq Inissiaatileqatigiiffiliornikkut inissialiornerit aallartisarneqassasut

Inissiat pioreersut pisoqalillutik oqummillu eqqugaallutik inigineqarsinnaajunnaartut amerlavallaalersimapput. Kommune Kujallermi Kommunalbestyrelsi novembarip 22-ani ataatsimiinnermini aalajangerpoq kommune nammineerluni inissiaatileqatigiiffiliussasoq.
Allattoq Anton Gundersen Lihn
decembarip 16-at 2017 16:38

Inissiaatileqatigiiffik nutaaq maanna piviusunngortinneqareerpoq, pilersitsinermullu aningaasaliissutissat inissinneqarlutillu Kujallermi Illuutit A/S-ip suliassaqarfissai sinaakkusersorneqarput, taamaalilluni Qaqortumi, Narsami Nanortalimmilu inissiat nutaat 100-it ukiuni tulliuttuni tallimani sanaartortinneqarnissaat aqqutissiuunneqarpoq. 

Aallaqqaammut sulisunut inissiat 20-it 2018-mi sananeqassapput, naatsorsuutigineqarporlu inissiat 2019-mi iserterfigineqarsinnaassasut.

Ilinniartitsisut allamut nuuginnalersut
Qaqortumi ilinniartitsisut inigisaluttut pillugit KNR-imi oqaluttuaraarput. Atuarfiup pisortaa tullersortaalu sulliffitsik nuannarigaluarlugu Qaqortumiit aallaannartariaqalerput. 

Inissiaatileqatigiiffik nutaaq pilersinneqartoq kujataani ineqarnermi ajornartorsiutinik qaangiinissamut iluaqutaassasoq, Kommune Kujalliup neriutigaa.

- Periarfissagissaanerulerpugut maannakkut, Kujallermi illuutit pilersinneqarneratigut neriuppugut pilersaarutivut naammassilluarumaarivut, Kommune Kujallermi borgmesteri, Kiista P. Isaksen taama oqarpoq.  


 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk