Ininik attartortitsisartut iluanaarniapilunnerat unitsinneqalerpoq
190 millionit koruunit. Aningaasat taama amerlatigisut Namminersornerullutik Oqartussat 2000-imiit 2008-mut sulisut ineqartinnerinut atorsimavaat. Ininik attartortitsisut iluanaarniapilunnerat unitsinniarlugu ineqarnermut akiliutit ukiortaap kingorna annerpaaffissalerneqartussanngorput.
decembarip 08-at 2009 05:36
Inissiat akeqanngitsumik sulisunit atorneqarsimapput. Nalinginnaasumik inissaaleqineq, inissiat pisortanut akisoorujussuanngorlugit attartortinnerisigut niuernermik pilersitsisimavoq.
Ineqarnermut naalakkersuisup, Jens B. Frederiksenip, inissianik iluanaarniat unitsikkusuppai:
- Neriuppunga suliffeqarfiit inuillu namminersortut inissianik Namminersornerullutik Oqartussanut, kingornalu Namminersorlutik Oqartussanut attartortitsillutik iluanaaruteqarujussuartarnerat erniinnaq qaangiutissasoq, taanna Atuagagdliutinut oqarpoq.
Ukiakkut ataatsimiinnermi inatsisartuni amerlanerussuteqartut taama suliniuteqassallutik aallartipput. Ukiortaap kingorna inatsisitigut suliniuteqarneq atuutilissaaq.
