Inigisaq annaaratarsinnaavaat

Timmisartortitseqatigiiffiup Air Greenlandip timmisartunut aquttui Air Greenlandimit suliartornissaannik mattuppagit, sulinermut atatillugu inigisat atorunnaaapput, timmisartullu aquttuisa meeraasa meeqqanut paaqqinnittarfianiitittarnerat atorunnaarsinneqassalluni, taakkua Air Greenlandip isumagisarippagit aamma atorunnaassalluni.

Tamanna timmisartortartut kattuffiannit Flyvebranchens Personal Unionimit aalasassimaarutigineqarpoq.

- Air Greenlandip sulisuminut ineqartitsarnini meeqqallu paaritinneqartarnerinut isumaqatigiissut atorunnaarsippagu tamanna ilaasortatsinnut ajorluinnassaaq, Per Fallentin FPU-mi siulittaasoq oqarpoq.

- Tamanna tulluanngilluinnarpoq, siornatigu taamatut ittumik naammattoorsinikuunngilanga assingusumilluunniit naamik, Per Fallentin oqarpoq.

Isumaqatigiissuteqartoqanngippat tamannalu sivitsussappat, Air Greenlandip timmisartuini aquttut februaarip ulluisa qulingiluaannit najugassaarutissapput.

- Taamatut siorasaarisoqarneratigut, isumaqatiginniarnermi isumaqatigiissuteqarnissaap sivisunissaa Per Fallentinimit naatsorsuutigineqarpoq.

- Akissarsiat pillugit isumaqatiginniarnermi isumaqatigiissinnaannginnermut tamakku attuumassuteqanngilat, tamannalu ilaasortama nuannarinngilaat, Per Fallentin oqarpoq.

Air Greenland isumaqatigiinniutinik nutaanik ippassaq saqqummiussaqarpoq, kisiannilu piumasaqaatit suli annertupput.

Allannguuteqartoqarsimavoq, angusinnaasallu tamarmik aqqusaarneqarput, isumaqatigiissuteqarnissarli ungasippoq.

- Uani pineqarlutik sulinermi piffissat sivisussusi, akissarsiat aammalu ukiut suliffigisat amerlassusiinut tunngasut, Per Fallentin oqarpoq.

Timmisartuni aquttut kattuffiata FPUp suliat pillugit isumaqatiginniarnissamut 4 januar Air Greenland aggersarpaa, Air Greenlandip sulisuminut mattussinissaa ullunik tallimanik sioqqullugu.

Air Greenland ismaqatiginniarnissamut soqutigininnissaa naatsorsuutigaara, taakkuali inatsisilerituuat suli akissuteqanngilaq, Per Fallentin oqarpoq.