INI sikorsuarnit akornusersorneqartoq

Kujataani sikorsuit takkussimaarnerat akornusersuivoq.

Inissiaatileqatigiiffiup INI-p pilersaarutit malillugit Narsarmijinut, Ammassivimmut, Eqalugaarsunnut, Saarlumut, Qassimiunut, Qassiarsummut kiisalu Nanortalimmut Qaqortumullu ingerlaniarnera septembari 2007-mut kinguartiinnarneqartariaqarsimavoq. Tamatumunnga pissutaavoq kujataata sikorsuaqarpallaarnera, kujataanilu INI-p angalatitaasa nunaqarfinnut angallassinerata sikorsuit pissutaallutik taamaatiinnarneqartariaqarsimanera.

INI-p angalatitai aallartilluaruttortut, tassa Tasiusaq Aappilattorlu illunik piginnittunik ataatsimiititsivigereeraallu, sikorsuit takkunnerisa angalanissap sinnera akornuserpaat.

INI-mit oqaluttuarineqarpoq, nunaqarfinnut illoqarfinnullu tikeraaqattaarnerup siunertarigaa, boligstøtte aqqutigalugu illuutillit aammalu nammineerluni illulianik illullit attartoqqissinnaaner-mut kiisalu tapiissutinik periarfissat pillugit siunnersui-sartunik oqalugiartitsiniarsimagaluarlutik.

Kiisalu illut qanoq issusiannik nalunaarsuinerit illunillu inoqanngitsunik nalunaarsuinerit nunaqarfinni INI-p angalaarnerminut atatillugu ingerlattussaasimagaluarpai.

Nunaqarfinni allaffeqarfiit angalanissap ajuusaarnaraluartumik kinguartiinnarneqartariaqarallarsimaneranik nalunaarfigineqareerput.