INI-mut akiliutissaqanngitsut
Najap aapparisaa SIK-p isumaqatigiissutai malillugit akunnermut 75 koruuninik akissarsiaqaraluartoq, sapaatip akunnneranut agguaqatigiissitsinikkut 1.000 koruunit sinnilaaginnarlugit inuussutissaqalerput.
Naja Josefsen 2006-mi ajorpallanngikkaangami suliffeqartarsimavoq taamaasillutik aappanilu ukiumut 297.000,00 koruunit isertissimavaat, taamaariarmat aningaasat kommunimit tigusartagai qaammammut 1.980-siinnanngortinneqarput boligsikringilu qaammammut 3.000 sinneqartoq peerneqarsinmalluni.
-1.980 koruunit tigugaangakkit 500,00 koruunit kommunimit peerneqartarput akiligassaqarnera pissutigalugu. Ini A/S ilisimatereerpara ineqarnermut akiliutissaarukkatta anisiinnarunisigut ajunnginnerusoq. Aamma Rigshospital-miillunga kommunimut saaffiginnikkaluarpunga ikiorsinnaaneraatigut, kisianni sulitusagaqarfiginngilakka, taama nassuiaavoq Naja Josefsen.
Nanortallip borgmesteria Kristine Raahauge inunnut ataasiakkaanut tunngasut oqaaseqarfigisinnaanngikkaluarlugit oqarpoq aappariinni aappaa suliffeqarsimagangat ikiorsiinissaq ajornakusoortartorujussuusoq.
Kallerup inneranut imermullu akit ikiorsiinikkut appartinneqarssinnaanerat pillugu Inatsisartut ukiarmi oqallinnerat tamaviaarullugu inaartariaqartoq, inatsisartuni ilaasortaq Kristian Jerimiassen, Atassut, Naalakkersuisunut inassuteqarluni allappoq.
