INI A/S-ip NUSUKA oqaloqatiseraa

Ippassaq Nunaqavissut Suliffiutillit Kattuffiat NUSUKA ineqarnermut naalakkersuisumut INI A/S-imut aalajangersaaqqullugit allagaqarput. Allakkami maalaarutigineqarpoq INI A/S-ip kingusippallaamik akiliiniartarnera.

Suliffeqarfiutilik namminersortoq Arne Fisker ilaatigut NUSUKA-p maalaarutaanut ilaliivoq oqarami, sivisunerpaamik utaqqisimanini tassaasoq ukiumik ataaseq. Nalinginnaanerusorli ullut 14-iniit qaammammik utaqqisitaasarneq.

Kenneth Jørgensen, A/S INI-imi pisortaasoq erseqqissaavoq akiligassat kingusinaarpallaartumik akilerneqarsimasut ikittuinnaasut. Oqarpormi:

-Akiligassat 74-it 42.000-it akornanni, tassa 0,018 procent, taakku 74-it kingusinaarneri ajuusaarutigaakka kisianni ajornartorsiutinngortinneqarneri, INI A/S-imullu saaffiginnissutiginagu naalakkersuisumut apuullugit. Isumaqarpunga eqqumiilluinnartoq.

INI-ip pisortaata naggasiullugu oqaatigaa NUSUKA oqaloqatiseriniarini, ajornartorsiutaasinnaasut qaangernissaat anguniarlugu.