A/S Ini akerliuffigineqarpoq

Qaffaanermi akitsuutit aserfallatsaaliinermut pitsanngorsaatinullu atorneqassasut attartortunut ilisimatitsissutigineqarmata, attartortut ilaat isumaqarput ukiorpassuarni piginnittut isumakkiigaannut aningaasarpassuarnik akiliuteqareersimallutik.

Einar Inuusuttup Qasiannguani najugallip, Ineqarnermut Inatsit qangalili iluarsartuunneqarsimasariqaraluartoq oqaatigaa namminerlu inigisartik 70–ikkornisaq nillertangaarmat, qammammut marloriarlutik solarimik pajunneqartariaqartaramik 2.400 koruunit sinnerlugit aningaasartuuteqartarput, nangipporlu.

- Najugarisatta natii tamarmik tæppeqaraluartut meeqqavut isigaarsiuaannarput, qammaammut marloriarluta uuliamik pajunneqartariaqartarpugut katillugit 2.400 koruuninik aningaasartuuteqartariaqartarluta, Einar Inuusuttoq oqarpoq.

Ullumikkut januaarip aallaqqaataaniit 4.098 koruuninik inigisaminnut qaammammut akiliuteqartalerput. Ilaqutariit pingasunik meerallit ataaseq illoqarfik qimallugu ilinniartuuvoq.

Pisiniarfimmi Pilersuisumut inuussutissaannarnik pisiniaraangamik amerlanertigut 800 koruunit sinnerlugit atortariaqartarpaat.

- Pisiarisartakkavut tassaanerupput qallersuutissat, naatitat kissartuliassallu, taama nassuiaavoq Einar Inuusuttoq.

Kathrine Nikodemussen Maniitsumi utoqqalinersialik allappoq, Salliarnani 1969–imi sananeqarsimasuni, saneqarlutik naammassimmatali najugaqarfimminni inigisartik anorlersumi naak kiassaatit tamakkersoraluartut suersupilussuusoq aamma silarlerminni igalaat ussissaataarullutik qajannaarutannarminnik atalersimasut ataasiarlutilluunniit iluarsaanneqasimanngitsut.

Ukiut tamaasa inigisaq akitsorpoq maannamulli akiliuterpassuaqareersimallutik, Kathrine Nikodemussen allappoq. Taamaattumik politikerit ilaasa akitsuinissamik isumaqataannginnerat tapersersornartippaa atsiortitsinikkullu pinissaa kissatigiqaluarlugu.

Marie Fleischer, Demokraatineersoq, qaffaanissamut akerliulluni allappoq. Ajornannginaariniaaneruvoq akiligassat attartortunut miloriutiinnarneri Naalakkersuisooqatigiillu aningaasanik tulleriiaarisinnaannginnerminnik takutiinnarnerarlugit aamma Kattusseqatigiit Partiianit allanik iliuusissanik nassaaniartoqartariaqartoq Anthon Fredriksenimit inassutigineqarpoq.