Ingerlatseqatigiiffiit tallimat Qaqortumi Mittarfiliortuuniartut

Namminersorlutik Oqartussat ingerlatseqatigiiffiutaa, Kalaallit Airports Domestic A/S taama paasissutissiivoq.

Suliffeqarfiit tallimat suliarinnittuusinnaasutut nalilerneqarsimasut tassaapput canadamiut ingerlatseqatigiiffiat, Pennecon Dexter Joint Venture, savalimmiormiut sanaartugassanik suliassinneqartartut J & K Petersen Contractors, danskit-islandimiullu ingerlatseqatigiiffiat, Aarsleff-Ístak Joint Venture kiisalu danskit ingerlatseqatigiiffii, MT Højgaard A/S aamma Munck Gruppen A/S.

AAMMA ATUARUK Video: Boooom – Ilulissani mittarfissamut qaartitsineq siulleq

Munck Gruppen Nuummi Ilulissanilu mittarfiit allilernissaanut suliarinnittussatut toqqarneqareernikuuvoq.

Kalaallit Airports Domesticip ingerlatseqatigiiffit suliarinnittussarsiuussinermi ajugaasoq maajimi ukioq manna isumaqatigiissuteqarfigissagaa pilersaarutaavoq. Sanaartortussap Qaqortumi mittarfissaq sanaartorlugu aasaru aallartissavaa.

AAMMA ATUARUK Munck Gruppen skal anlægge landingsbanerne i Nuuk og Ilulissat

- Naatsorsuutigaarput suliarilluakkanik unammillertunillu mittarfiliornissamut neqeroorusiortoqassasoq, Qaqortumi mittarfik qilanaarineqartumut, Peter Wistoft oqarpoq.

Qaqortumi mittarfissap 2023-p naajartulernerani piareerluni atorneqarsinnaalernissaa naatsorsuutigaarput.