Inger Hauge nersornaaserneqarpoq

Atuakkanik naqiterivimmik Atuagkat-nik piginnittoq Inger Hauge, kalaallit atuakkiaannik saqqummiisarsimasutut Danmarkimi atuakkiortut peqatigiiffiannit ukiumoortumik nersornaasiisarneranut atatillugu ippassaq ualikkut ataqqinaammik nersornaaserneqarpoq, nersornaasiinerlu Københavnimi Kunstindustrimuseum-imi pivoq.
Allattoq Louise M. Kleemann
maajip 23-at 2008 13:41

Nersornaasiineq oqaasertalerneqarpoq: ”Danskit atuakkiaasa qaffasissusaannut naleqqiullugu immikkut ittumik iliuuseqarsimanermigut sunniuteqarluarsimasoq”.

Danskit atuakkiortut peqatigiiffiat tassa boghåndværksforeningi isumaqarpoq Inger Hauge siunertamut tamatumunnga piviusunngortitsisimasoq. Oqaatigineqarporlu aatsaat siullerpaamik Danskit atuakkiortuisa akornanni Kalaallit Nunaata kulturianut atatillugu taamatut nersornaasiisoqartoq.

Inger Haugep meeqqanut atuakkat naqitertitai ilaatigut makkuupput, eqqumiitsuliortup Julie Edel Hardenbergip atuakkiaa, ”Bedste børnebøger” Milik Publishingip innersuussaa: ”ABCT” aammalu Det danske bibelselskabip saqqummiussaa: ”De mindstes bibel”.

Aviisillu Sermitsiap nittartagaani allaaserineqarpoq Inger Haugep atuakkat naqitertitai arlallit maanna Kunstindustrimuseumimi saqqummersinneqaleruttortut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq