Inersimasut amigaatigisarpaat

Inuusuttut imminornissamik eqqarsaateqartut imminoriarsimasullu, inersimasumik tatigisaminnik oqaloqateqarlik, tamatut siunnersuuteqarpoq, arlalerliarluni imminoriarsimasoq 22-inik ukiulik Ittoqqortoormiuneersoq.

Aviaaja Pedersen nakorsamut saaffiginninnermi kingorna Nuummi tarnimikkut innarluuteqartut katsorsartarfiannut Dronning Ingrid-ip napparsimavainiittumut innersuunneqarpoq tassanngaanniillu, inuusuttut ajornartorsiutillit ulloq unnuarlu najugaqarfigisaani Nuummiittumi Aja-mi najugaqarpoq, ukioq ataaseq affarlu. Aja-miinnermini perorsaasunik ilinniarsimasunik sullinneqarluni, inuttut ineriartornissaminik ingerlariaqqinnisaminillu ikiorneqarpoq..

Aviaaja Pedersen taamak oqarpoq..naggataatigut aperaarput inuussutut imminornissaminnik eqqarsaateqartut imminoriarsimasullu ajornartorsiutertik qaangerniarlugu qanoq iliorsinnaanersut

Danmark-imi Statens Institut for Folkesundhed-ip nunatsinni misissuisitsinerani paasineqarpoq, inuusuttut imminut toqunnissaminnik eqqarsaateqartut imminoriarsimasullu ajornartorsiutiminnik qaangiiniarnerminni, inersimasunik tatigisimannik oqaloqateqarniartarnitik ajornartorsiutigisaraat.