Ineqartut aggustimi inimut akikillisaaffigineqalaassapput
A/S Inissiaatileqatigiiffik Ini 2008-mut naatsorsuutiminik sinneqartoorsimalluni qanittukkut nalunaaruteqarpoq. Taamatut sinneqartooruteqarneq Inissiaatileqatigiiffimmut Ini-mut attartortut nuannaarutissarsiffigilaassavaat.
Allattoq Karsten Sommer
Tassami Inissiaatileqatigiiffimmut Ini-mut attartortut aggustimi akiligassaminnik 336 koruuninik ikilisaavigineqassasut, Ini-mit oqaatigineqarmat.
Taamaattorli akiligassanik ikilisaaneq ataasiaannarluni pissaaq, tassami taamaallaat aggustimut akiligassat 336 koruuninik ikilisaavigineqassammata. Taamaalilluni attartortut katillugit 2,9 millionit koruunit nalinginik aggustimi akikillisaavigineqassapput.