Ineqarnermut akit qaffanneqassanngikallarput

Suleqatigiissitat ineqarnermut tunngasunik suliaqartussat Ineqarnermut naalakkersuisoqarfimmit pilersinneqarput, taakkualu suliaat tunngavigalugit aalajangiisoqarumaarpoq.

Inissiaatileqatigiiffiup siulersuisuisa immikkut ittumik ataatsimeersuarnerat aallartissimatsiartoq ineqarnermut akit aappaagu januaarip aallaqqaataaniit qaffanneqannginnissaat aalajangerneqarpoq.

Ineqarnermut akit qaffanneqarnissaraluat naalakkersuisut siulittaasuata Hans Enoksenip inatsisartut ataatsimiinnissaata ammarnersiorneqarnerani unitsippaa, INI A/S-imiillu tusaatissatut ullumi tamanna tiguneqarpoq.

Ineqarnermut akit qaffanneqarniarnerat piginnittunut, ilisimatitsissutiginissaat INI-mit puigorneqarsimanngitsoq, INI-mi siulersuisut siulittaasuat Kristian Lennert oqarpoq.

Ineqarnermut tunngasunik suliaqartussanik Ineqarnermut naalakkersuisoqarfik aamma pilersitsivoq. INI-p siulittaasua Kristian Lennert ima oqarpoq:

- Ineqarnermut naalakkersuisuoq Kim Kielsen suleqatigiissitamik pilersitsereerpoq, ineqarnermullu tunngasut assigiinngitsutigut aaqqiivigineqarnissaat suleqatigiit taakku suliaqassallutik, Inissiaatileqatigiiffimmi INI-mi siulittaasoq Kristian Lennert oqarpoq.