Ineqarnermut akiliutit qaffassapput
Inissiaatileqatigiiffik nalunaarpoq ilaqutariinnut arlalinnut inissiat 9 procenti tikillugu akitsussasut, ilaqutariinnullu ataasiakkaanut inissiat kiisalu arfarleriiaat 4 procentimiit 15 procenti tikillugu akitsussasut.
Inissiat iluarsaannissaat 2,4 milliardi koruuninik akeqartussaavoq tamannalu Landskarsimiit tamarmi akilerneqarsinaanngilaq, Namminersornerullutik Oqartussat Kommunillu iniutaannik attartortut aningasartuutit ineqarnerminnut attuumassuteqartut akileeqataaffigisariaqaraat INI A/S tusagassiuutinut nalunaarummini allappoq.
Ineqarnermut akiliutit qaffannerisigut isertinneqartut tamarmik inissiat iluarsaanneqarnissaannut isorfallatsaalinissaannullu atorneqassapput. 2009-p ingerlanerani aamma sumiiffinni assigiinngitsuni imminut akilersinnaasorineqartillugu imeqarnermut kiassarnermullu INI A/S uuttuusersuissamaarluni nalunaarpoq.
