Indonesiami timmisartoq nakkarmat 78-it ajunaarput
Indonesiami sakkutuut timmisartuat assartuut 96-inik issimasoqarluni 13-inillu inuttaqarluni Indonesiami Javap kangisissuani Madiunimut qanittumi illunut nakkarsimavoq.
maajip 20-at 2009 08:08
Qassit ajunaarsimanersut suli ilisimaneqanngilaq, nutaarsiassaqartitsiviilli arlallit tusarliussaat naapertorlugit timmisartup nakkarnerani inuit ikinnerpaamik 78-it ajunaarsimapput.
Timmisartoq Herkules Jakartamiit Javap kangisissuanukartilluni timmisartoqarfimmiit Iswahyudimiit kilometerinik tallimanik-arfineq-marlunnik ungasitsigisumi nakkarpoq.
Timmisartup sinnikui nunamut siammarsimasut TV-qarfimmit Metromit takutinneqarput, takuneqarsinnaalluni timmisartup nakkarfiani pujoq qernertorsuaq pujortoq, inuillu siparnit imermik imallit atorlugit ilungersorlutik qatseriniarsarisut.
